شكلة مدورة بين c++ و python/js
شكلة مدوّرة بين مجتمع C++ وJava ومجتمع Python وJavaScript🤣🤣🤣
على سيرة لغات البرمجة، لاقتنِي شكلة كبيرة شديد بين ناس ++java/c وناس js/python😂
ناس مجتمع C++ نازلين جلد في ناس JavaScript وPython.
ناس java/++c ديل شايفين إنو مجتمع اللغتين (js-python) ديل عبارة عن ناس نقاشين ساكت وما شغالين شغل رجال أصلًا 😂
بيقولوا ليك:
ياخ Python وJavaScript ديل شنو؟ ديل Single Threaded ساكت، وكل حاجة عندكم ماشّة Line by Line. الحاجة الوحيدة الجميلة عندكم الـAsynchronous Programming 😂
وشايفين إنو الشغل التقيل، الشغل الجد جد، Python وJavaScript ما بقدروا عليهو.
بيقولوا ليك:
Heavy CPU Tasks؟ ❌ Heavy Computation؟ ❌ Embedded Systems؟ ❌ Memory Management؟ ❌
"آخرهم I/O Tasks ساكت" 😂
بل وصلوا مرحلة قالوا:
ياخ تخيل نظام تشغيل كامل مكتوب بـJavaScript ولا Python!
بكرة تفتح البرنامج، البرنامج يفتح Process، والـProcess يفتح Threads، والدنيا كلها تتشابك، وفي النهاية الجهاز ذاتو يتجمد 😂
يعني بالنسبة ليهم:
يا زول دا شغل رجال… JavaScript وPython ما عندها ليهو! انا مصعب ستينج دا سكت ساي 🤣🤣🤣 وبضحك جواي
قام واحد من ناس JavaScript اتملأ وفار الدم في عروقه 😂
قال ليهم:
انتو نكارين جميل شديد!
ما أنا بقيت شغال في السيرفرات وال backend يا ولدنا؟
والمبرمجين بيVisual Studio Code القاعد قدامكم دا، ما معمول بـElectron وJavaScript؟ 😂
قام واحد من ناس Java قال ليهو:
اقعد تحت ساااااي 😂
أسي ننادي ليك ولدنا C# يجلدك في الـDesktop.
وننادي ليك PHP وولده Laravel عشان يكرهك حاجة اسمها Web.
ولسه فاتح خشمك؟
أسي ننادي WordPress ذاتو، عشان يشيل ليك المشروع ويعملو بدالك 😂 خلي تقول لي شغال معاه اشتغلوا براك كنتقدر🙂🙂
وبعد داك زادها:
والله أسي نجيب ليك Assembly ونحرشوا يشتغل مكانك، عشان تعرف نحن بنتكلم في شنو. اسكت انا سجمان ساكت
نحن بنتكلم عن برمجة أنظمة شغالة في حاجات حرجة… انت فاهم أصلًا نحن بنقول شنو؟ 😂
قفل قدومك، بلا Node بلا Express.
من بعيد…
قام بتاع Python وصفّق 👏😂
قال:
هييي… و تاني هيييي…
ما ياهو أنا قاعد ليكم في البيانات والذكاء الاصطناعي.
أسي أنا ذاتي مستخدمكم كلكم.
وببني بيكم حاجات، وانتو لسه قاعدين تتعولقوا😂 ديل كل موديلات الدنيا مستخدمه مكتباتي ي شويه ناس قديمه وما محدثه جر بعيد ياخ🥸 . سمنداخك البريق دا 🥸 .
وبعدين قال:
ياخ إنتو خليتو البرمجة صعبة على الناس.
كل شوية Memory Management، DSA، Pointers، وحاجات تخلي الواحد يقفل اللابتوب ويمشي 😂
بعدين لما الناس مشت للـVibe Coding قلتوا ليهم: "لا لا، دي برمجة ما حقيقية" 😂 سديتو نفسيات الشباب في الجامعات يسد نيتكم وأنت ي php معذب الطلاب apache وكلام فارغ .
وفجأة…
قام واحد من مجتمع R وقال:
سامعك بتتكلم عن Data وعامل فيها كبير يا Python؟ 😂
Data شنو البتتكلم عنها انت يا برو؟
الناس بيستعملوك لأنك مسهّل الموضوع، ما لأنك عظيم 😂
انت آخرك Data Cleaning ساكت، قوم لف ياخ!
💥💥💥
بتاع Python هنا كان حا يسكت…
لكن ما قدر 😂
قام فوق وقال:
يا Guys…
العارف عزو مستريح.
أنا عندي مكتبات بالهبل، وفي كل المجالات تقريبًا.
وإنتو قاعدين تستخدموا فيني من أول Data Science لحدي AI وAutomation وWeb وScripting.
وبعدين أخوي JavaScript الشايفنو مسكين دا…
اغترب وجاب معاه TypeScript 😂
وأسي بقى واقف في السوق كويس شديد.
Input, Output، Web، Server، Desktop، وحتى Mobile.
فخلو فلسفتكم دي.
وبعدها عاين لي جماعة C++ وقال:
وبعدين يا شباب، منو القال ليكم إنو كل شغل الدنيا لازم يكون Heavy CPU وEmbedded Systems؟
ليه كل زول لازم يكون قاعد ماسك الذاكرة بإيدو؟
ما كفاية أخونا Java ذاتو أخد من C++ حاجات كتيرة وسهّل الحياة؟ وياهو ابوكم Microsoft عمل garbage collector في #c ي شويه شعب متناقض.
وإنتو ذاتكم بعد شوية دايرين تعملوا كل حاجة High Level 😂
خلو العولاق دا.
أنا قاعد ليكم في الـAI والبيانات.
وJavaScript قاعد ليكم في كل حاجة خفيفة وسريعة ومحتاجة I/O.
وإنتو أقعدوا مع القنابل النووية بتاعتكم دي 😂
في اللحظة دي…
واحد من ناس C++ قام فوق وداير يتكلم. مليان فل برجف ي صحبي فتح خشموا كدا بس سمع صوت عملاق جاي اصلا صوت زول جاي بس معروف المهم عارفين صوت زول عملاق بس ما عندهم دليل " دق ، دق ، دق ، دق ، دق ، دق "
فجأة كلهم رفعوا راسهم…
شافوا PostgreSQL وMongoDB داخلين 😂😂
PostgreSQL قال:
يا جماعة باركوها بس…
الاختلاف لا يفسد للود قضية.
MongoDB قال:
أيوة ياخ.
أنا Relational وانت Non-Relational.
لكن في النهاية كلنا بنخزن بيانات.
وإنتو كلكم بتجونا في النهاية 😂
كلهم سكتوا شوية…
لأنو الكلام كان منطقي شديد 😂
وفجأة…
الصمت عمّ المكان.
عاينت وراي…
شايف ليك James Gosling داخل.🤐
ومن جنبو Brendan Eich.🤐
ومن وراهم…
🤐🤐🤐🤐🤐Bjarne Stroustrup.
أنا هنا قلت:
يا ساتر 😭
قلت خلاص…
لاري اليسون في الشارع
شكلهم ح ينادوني أنا ذاتي ويسألوني:
"يا مصعب، إنت رأيك شنو؟"
وأنا ذاتي ما عارف أنادي مع منو 😂
المهم…
الشكلة الجد جد شكلها بدأت هسي.
انا متاكد الموضوع دا حيكبر
لاري اليسون ما حيسكت نهائي
وأنا قلت أرجع بكرة أشوف الحاصل شنو.
أما أنا…
أنا مصعب علي عبدالرحمن، المشهور بـ Sting 😂
بحب المغامرات، والاستكشاف، والحاجات الـBehind the Scenes.
وحاليًا شغال عميل مزدوج مع:
C++ 🤝 C# 🤝 Java 🤝 Python
وفي نفس الوقت…
جاسوس رسمي لـTypeScript / JavaScript 😂❤️
لأنو بصراحة ديل بحبهم ومكمل معاهم.
لكن مهمة بكرة شكلها ما سهلة نهائي 😂
لأنو وأنا ماشي شفت ليك JWT في النص…
وقدام الغرفة في Reverse Proxy…
ومن جوة سامع ناس بتتكلم عن Load Balancer…
فما عارف أصلًا ح يودوني أي غرفة 😂
الغرفة الرئيسية؟
الغرفة الجنبو؟
ولا غرفة الـDatabase؟
عموماً أنا ح أتصرف.
بركب Forward Proxy…
وبحاول أركب مكنة واحد منهم وأدخل 😂
لكن الله غالب…
دعواتكم بس.
والشمار لسه ما انتهى…
بكرة راجع ليكم بالتفاصيل 😂🔥
ولو عايز باقي الشكلة ما يفوتك…
اعمل Like ❤️ اعمل Share 🔄 واعزم أصحابك المتعصبين للغات البرمجة 😂
نشوفكم بكرة…
نشوف الشكلة دي ح تنتهي وين. 😂🔥
#Programming #Python #JavaScript #TypeScript #Cpp #Java #CSharp #R #PostgreSQL #MongoDB #DeveloperLife #SudaneseDevelopers